السلام عليكم
غريبه هذه الدنيا تجمع الناس غرباء وعند النهايه يخرجوا اصدقاء,قصيدتي كتبتها بخط يدي عن الفراق وخصوصا فراق الاصحاب عند التخرج هذه هديه للكل وخوصصالطلاب التربيه كيمياء المتخرجين لهذ السنه 2010 -2011
غيمت دنياي بعدكم ماطلعت شمس _ لان انتوا شمس بحياتي
ما ترضه روحي تعيش بغيركم نفس _ ولايرضه لساني بغير اساميكم يحجي كلماتي
النار تحرك افادي تحمس بكلبي حمس _ وجمر شوكي الكم يزيد معاناتي
شهر غبتوا حبست روحي بطاريكم حبس _ وي نبضات الكلب طاريكم يمر صرتوا نبضاتي
شهرما شفتكم بيه جن عمري بلوحل انطمس _ جن موشهر صارت سنين عليه اوقاتي
شهر مامر طيفكم على عيوني ولو همس _ عشت بين النوم والصفنات بلكي بحلمي نشاوف بصفناتي
شلون لمن يجي الوداع يوم التعس _ اقسم روحي دمعات ويمكم تظل دمعاتي
يوم تنعصر روحي تنكبس كله كبس _ ومن خنكات البجي ما تنسمع اصواتي
اربع سنين مرت مثل دكه جرس _ بين الدرسين بلفرصه عشت سنواتي
لاما اصدك سنيني وياكم صارت ذكريات امس _ واليوم وياكم اخر ايامي وساعاتي
لا ما اصدك تروح ضحكتنه الجانت فرحة عرس _ لاما اصدك بعد ما ترجع ويه الربع كعداتي
اليوم اشكك روحي عليكم اهرسه هرس - واكتب عليه يوم وداعكم وفاتي
جن وكعت كل الهموم بكلبي ترس - هم وداع وهم فركة اصحابي كل هموم دنياتي
بلاكم عيني عمت لساني خرس - بلاي عين بلاي نظر امشي خطواتي
حياتي بلاكم شسوي بيه ما تسوى فلس - والسنين العشته وياكم تسوى كل حياتي
غيركم ما بقى بحياتي لاصاحب لاونس - لا احد اشكيله همي اضم يمه احجاياتي
منهو يوكف ويايه اذا دنيتي دارت عكس - غيركم محد يسمع اهاتي
اخيرا مع السلامه كايل انه مدنك الراس - ما ريدن يفضحني دمعي وتفضحني وناتي
